Чанарын бодлого

(Хууль зүй, дотоод хэргийн сайдын 2021 оны 06 дугаар сарын 21-ний өдрийн А/150 дугаар тушаалын 5 дугаар хавсралт) Удирдлагын нэгдмэл тогтолцоог бүрдүүлэн, албан хаагч, суралцагчдын мэдлэг, ур чадварыг тасралтгүй хөгжүүлж, үйл ажиллагаандаа чанарыг эрхэмлэн, үр шим хүртэгчдийн сэтгэл ханамжийг өндөр түвшинд байлгана.

ХӨДӨЛМӨРИЙН ЭРҮҮЛ МЭНД, АЮУЛГҮЙ БАЙДЛЫН БОДЛОГО

(Их сургуулийн захирлын 2023 оны 12 дугаар сарын 08-ны өдрийн “Бодлого, хамрах хүрээг тодорхойлон батлах тухай” А/459 дүгээр тушаалын нэгдүгээр хавсралт) Монгол Улсын хууль тогтоомж, оролцогч талуудын хэрэгцээ ба хүлээлтэд нийцүүлэн Их сургуулийн бүх үйл ажиллагаанд эрүүл, аюулгүй ажиллах, суралцах нөхцөлийг бүрдүүлж, албан хаагч, ажилтан, сонсогч, суралцагч бүрийн идэвхтэй оролцоотойгоор аюулыг тодорхойлон, арилгаж, эрсдэлийг бууруулж, хөдөлмөрийн эрүүл мэнд, аюулгүй байдлын менежментийн тогтолцоог тасралтгүй сайжруулан ажиллана.

МЭДЭЭЛЛИЙН АЮУЛГҮЙ БАЙДЛЫН БОДЛОГО

(Их сургуулийн захирлын 2025 оны 11 дүгээр сарын 28-ны өдрийн “Бодлого, хамрах хүрээг тодорхойлон батлах тухай” А/585 дугаар тушаал) Дотоод хэргийн их сургууль нь үйл ажиллагаандаа мэдээллийн аюулгүй байдлыг хангахад онцгой анхаарч, байнгын хяналтын тогтолцоог бүрдүүлж, учирч болзошгүй эрсдэлээс урьдчилан сэргийлэх, халдлагаас хамгаалах, тасралтгүй сайжруулахад дараах үндсэн чиглэлүүдийг баримталж ажиллана. Энэхүү бодлогын үндсэн чиглэлүүдэд тулгуурлан мэдээллийн аюулгүй байдлын зорилго, хэмжигдэхүйц зорилтуудыг тогтоож, хэрэгжилтийн гүйцэтгэлийг тогтмол үнэлж, сайжруулалтын арга хэмжээг хэрэгжүүлнэ. Бодлого нь их сургуулийн бүх алба хаагч, багш, ажилтан, сонсогч, оюутанд хамаарч, байгууллагын хэмжээнд танилцуулан, тогтоосон давтамжтайгаар шинэчлэгдэнэ. Үүнд:

1. Мэдээллийн аюулгүй байдлыг хангахтай холбоотой Монгол Улсын хүчин төгөлдөр мөрдөгдөж буй холбогдох хууль, тогтоомж, дүрэм, журмын хүрээнд, түүнчлэн олон улсын болон үндэсний стандартад нийцүүлэн их сургуулийн хэмжээнд дагаж мөрдөх бодлого, журам, зааврыг боловсруулж, батлуулан, өдөр тутмын үйл ажиллагаандаа дагаж мөрдөнө. Мэдээллийн аюулгүй байдалтай холбоотой гэрээний болон сонирхогч талуудын бусад шаардлагыг мөн хангаж ажиллана.
2. Их сургуулийн үйл ажиллагаанд нөлөөлж болох мэдээллийн аюулгүй байдалтай холбоотой эрсдэлийг тогтсон аргачлалаар тогтмол давтамжтай үнэлж, шинэ систем нэвтрүүлэх, томоохон өөрчлөлт хийх үед нэмэлт үнэлгээ хийж, тогтоогдсон эрсдэлүүдэд тохирох хариу арга хэмжээг төлөвлөн хэрэгжүүлж, эрсдэлийг зөвшөөрөгдөх түвшинд удирдана. Эрсдэлийн үнэлгээ, түүний дүн шинжилгээнд тулгуурлан хяналтын арга хэмжээг тасралтгүй сайжруулна.
3. Хүний нөөцийн мэдээллийн аюулгүй байдлын талаарх мэдлэг, ур чадварыг хөгжүүлэхийн тулд хэрэгцээт мэдээллээр хангах, ажлын байрны онцлогт тохирсон сургалт, дадлагад тогтмол хамруулах, мэдээллийн аюулгүй байдлын эрсдэлийн үр дагаврыг таниулах үйл ажиллагааг зохион байгуулна. Албан тушаал бүрийн мэдээллийн аюулгүй байдлын мэдлэг, ур чадварын шаардлагыг тодорхойлж, тооцоолсон зөрүүг буурууах чиглэлийг баримтална.
4. Мэдээллийн аюулгүй байдлын зөрчил, сэжигтэй үйлдэл гарсан тохиолдолд холбогдох журмын дагуу шуурхай бүртгэж, мэдээлж, судлан шалгаж, тохирох хариу арга хэмжээг шуурхай авч хэрэгжүүлэн давтан гарахаас урьдчилан сэргийлнэ. Илэрсэн зөрчил, үл тохиролд дүн шинжилгээ хийж, залруулах болон урьдчилан сэргийлэх арга хэмжээг авч, тогтолцооны сул талыг арилгах замаар МАБ-ын түвшинг ахиулна.
5. Мэргэжлийн байгууллагын эх сурвалжаас мэдээллийн аюул, заналхийлэлтэй холбогдолтой мэдээллийг тухай бүр хүлээн авч, дүн шинжилгээ хийж, үүсэж болохуйц эрсдэлээс урьдчилан сэргийлэх арга хэмжээг тогтмол авч хэрэгжүүлнэ. Тухайн мэдээллийг эрсдэлийн үнэлгээ, хамгаалалтын хяналтыг шинэчлэх, сайжруулахад ашиглана.
6. Кибер халдлага, аюулаас урьдчилан сэргийлэх, тохиолдсон үед хохирол багатайгаар даван туулах, их сургуулийн үйл ажиллагааны тасралтгүй байдлыг хангах төлөвлөгөөг боловсруулж, хэрэгжүүлж, тогтмол туршиж, сайжруулах арга хэмжээг авна. Кибер халдлагын болон мэдээллийн системийн ноцтой саатлын дараа чухал үйлчилгээг тогтоосон сэргээгдэх хугацааны зорилтуудын хүрээнд сэргээх нөхцөл, чадавхыг хангана.