📌 Дотоод хэргийн их сургууль АШУҮИС-ийн Монгол-Японы эмнэлэгтэй байгуулсан хамтран ажиллах санамж бичгийн хүрээнд 2026 оны 04 дүгээр сарын 20-ны өдөр хоёр талын албан уулзалт хийлээ.

📌 Уулзалтад Дотоод хэргийн их сургуулийн Дэд захирал бөгөөд Цэргийн зохион байгуулалт, аюулгүй байдлын газрын захирал, цагдаагийн хурандаа Г.Буянхишиг, АШУҮИС-ийн Монгол-Японы эмнэлгийн захирал, доктор (Ph.D) П.Баясгалан болон холбогдох албаны төлөөлөл оролцож, хамтын ажиллагааны өнөөгийн байдал, цаашдын чиглэлийн талаар санал солилцов.

📌Талууд цаашид эрдэм шинжилгээ, судалгаа, сургалт, биеийн тамир, спорт, соёл олон нийтийн чиглэлээр хамтын ажиллагаагаа өргөжүүлэн хөгжүүлэхээр санал нэгдэв.

📌Мөн хамтын ажиллагааны хүрээнд Дотоод хэргийн их сургуулийн багш, албан хаагчдыг эрүүл мэндийн урьдчилан сэргийлэх үзлэг, оношилгоонд хамруулж буйд талархал илэрхийлж, цаашид энэ чиглэлд хамтын ажиллагааг тогтвортой үргэлжлүүлэхийн ач холбогдлыг онцоллоо.