📌 Дотоод хэргийн их сургуулийн Эрдэм шинжилгээний хүрээлэнгээс НҮБ-ын Хүүхдийн сан, Сургалт, судалгааны 403 дугаар анги-Шүүхийн шийдвэр гүйцэтгэлийн албаны сургуультай хамтран 2026 оны 04 дүгээр сарын 16-ны өдөр НҮБ-ын гэр танхимд “Хорих байгууллагын сэтгэл зүйчдийн сургалтын хэрэгцээг тодорхойлох” хэлэлцүүлгийг зохион байгууллаа.

📌 Хэлэлцүүлэгт төр, хувийн хэвшил, олон улсын болон боловсрол, судалгааны байгууллагуудын төлөөлөл өргөн бүрэлдэхүүнтэй оролцлоо.

📌 Хэлэлцүүлгийн үеэр сэтгэл зүйчдийн сургалтын хэрэгцээг тодорхойлохын ач холбогдол, хоригдолд үзүүлэх сэтгэл зүйн үйлчилгээний тулгамдсан асуудлууд, гэмт хэрэгт холбогдсон хүүхдүүдэд үзүүлж буй нийгэм-сэтгэлзүйн үйлчилгээ, ял эдлүүлэх ажиллагаанд зан үйлийг өөрчлөх хөтөлбөрүүд, сэтгэл зүйчийн үйл ажиллагаанд хиймэл оюун ухааны хэрэглээ болон ёс зүйн асуудал, мөн шинэ арга зүй, аргачлалд суралцахад анхаарах зэрэг асуудлуудыг онцлон хэлэлцсэн байна.

Түүнчлэн оролцогчдоос санал авч, хорих байгууллагын сэтгэл зүйчдийн мэргэжлийн үйлчилгээнд шаардлагатай мэдлэг, ур чадварын хэрэгцээг тодорхойлохын зэрэгцээ сэтгэл зүйн үйлчилгээний чанар, үр нөлөөг нэмэгдүүлэх арга зүй, практик туршлагыг хуваалцав.

📌 Хэлэлцүүлгийн төгсгөлд оролцогчдоос сэтгэл ханамжийн судалгаа авч нэгтгэн, цаашид зохион байгуулах арга хэмжээний чанар, үр нөлөөг нэмэгдүүлэхэд анхаарах асуудлуудыг тодорхойлсон юм.