Монгол Улсын Их хурлаас баталсан "Алсын хараа-2050" урт хугацааны хөгжлийн хөтөлбөр баримт бичигт Дотоод цэргийн тухай хуулинд нэмэлт өөрчлөлт оруулж, "Үндэсний гвард" болгох хэрэгцээ шаардлагыг тодорхойлохоор заажээ.
Энэ ажлын хүрээнд Хууль зүй дотоод хэргийн яамнаас Дотоод хэргийн их сургуульд судалгаа хийх хүсэлт ирүүлсний дагуу Эрдэм шинжилгээний хүрээлэнгийн тэргүүлэх судлаач, доктор, дэд профессор, цагдаагийн хурандаа В.Баянмөнхийн удирдсан баг судалгаа хийсэн байна. Судалгааны үр дүнгийн талаар ЭШХ-ийн судлаач, бригадын генерал Т.Хүрэлбаатар ярьж байна.
