🌳 Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн санаачилсан “Тэрбум мод” үндэсний хөдөлгөөн, мөн “Бүх нийтээр мод тарих үндэсний өдөр”-ийн хүрээнд “Цагаан даваа” хогийн цэгийн нөхөн сэргээгдсэн 10 га талбайд мод тарих үйл ажиллагаа өчигдөр /2026.05.16/ боллоо.

🌳 Энэхүү үйл ажиллагаанд Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх, Гандантэгчэнлин хийдийн Тэргүүн Их Хамба Лам Д.Жавзандорж, Батлан хамгаалахын сайд Д.Батлут, Байгаль орчин, уур амьсгалын өөрчлөлтийн сайд Ц.Сандаг-Очир, Монгол цэргийн нэгдсэн холбооны Ерөнхий нарийн бичгийн дарга Ц.Тогоо болон нийт 40 байгууллагын 1500 гаруй ахмад настан, иргэд оролцсон байна.

🌳 Дотоод хэргийн их сургуулийн "Ахмадын хороо"-ны дарга, цагдаагийн хурандаа Б.Болд тэргүүтэй 50 орчим ахмад багш, албан хаагч энэхүү мод тарих үйл ажиллагаанд нэгдэн 600 гаруй мод тарьжээ.

🌳 Хогийн цэг байсан талбайг ногоон байгууламж болгон сэргээж, хойч үедээ эрүүл, ногоон орчныг өвлүүлэх буянтай үйлсэд гар бие оролцсон ахмадууддаа талархал илэрхийлж, урт насалж, удаан жаргахыг хүсэн ерөөе.