✅ Дотоод хэргийн их сургуулийн Эмэгтэйчүүдийн зөвлөлөөс алба хаагч, ажилтнуудын хувь хүний хөгжил, өөртөө итгэх итгэлийг нэмэгдүүлэх зорилгоор “Стиль ба ондоошил” сэдэвт сургалтыг зохион байгууллаа.

✅ Сургалтыг стилист Гули удирдан явуулж, оролцогчдод өөрийн биеийн хэлбэр, арьсны өнгө, онцлог төрхөд тохирсон хувцаслалт, өнгөний сонголт хийх, хувийн хэв маягаа бүрдүүлэх талаар танилцуулсан юм. Мөн хүн бүрийн давтагдашгүй онцлогийг тодотгож, өөрийн гэсэн стиль, имижийг хэрхэн бүтээх талаар зөвлөгөө өглөө.

✅ Энэ үеэр зөв сонгосон хувцаслалт, дүр төрх нь хүний дотоод мэдрэмж, сэтгэл зүйд эергээр нөлөөлж, өөртөө итгэх итгэлийг нэмэгдүүлэхээс гадна өдөр тутмын бүтээмж, харилцааны соёлд чухал нөлөө үзүүлдгийг онцоллоо.