Нэгдсэн сургалт нь өнөөгийн дээд боловсролын өөрчлөлт, их сургуулийн нийгмийн үүрэг, төрийн албаны болон багшийн мэргэжлийн ёс зүй, хүний эрхэд суурилсан боловсролын үзэл баримтлал зэрэг өргөн хүрээний сэдвийг хамарсан бөгөөд дараах үндсэн агуулгын хүрээнд зохион байгуулагдав. Үүнд:
Боловсролын ирээдүй
Дижитал шилжилт, хиймэл оюун ухаан, хөдөлмөрийн зах зээлийн өөрчлөлт болон шинэ үеийн суралцагчдын хэрэгцээ шаардлагад нийцүүлэн сургалтын арга зүй, багшийн ур чадвар, их сургуулийн хөгжлийн чиг хандлагыг хэрхэн шинэчлэх;
Их сургуулийн шинэ үүрэг
Их сургууль нь зөвхөн мэдлэг дамжуулах байгууллага бус, мэдлэг бүтээх, инноваци хөгжүүлэх, нийгмийн асуудлыг шийдвэрлэх, хүний хөгжилд хувь нэмэр оруулах мэдлэгийн төв болох шаардлагатайг онцолж, сургалт–судалгаа–инноваци–нийгмийн оролцооны уялдааг сайжруулах;
Багшийн мэргэжлийн ёс зүй
Төрийн албан хаагчийн болон Багшийн мэргэжлийн нэр хүнд, ёс зүйн хариуцлага, шударга байдал, академик шударга ёс, суралцагчийг хүндэтгэх харилцаа, мэргэжлийн үлгэр дуурайллын талаар хэлэлцэж, багш бүр байгууллагын үнэт зүйл, ёс зүйн хэм хэмжээг үйл ажиллагаандаа мөрдөх шаардлагатайг онцоллоо.
Дотоод хэргийн их сургуулийн эрдэмтэн багш нартаа 2026-2027 оны хичээлийн шинэ жилийн баярын мэнд хүргэе.
