Хилийн албаны сургуулийн Хилийн боомтын аюулгүй байдал, шалган нэвтрүүлэх албаны тэнхимийн харьяа “Боомтынхон”, “Охидын манлайлал” клубээс “Ахмад үеийн төлөөлөлтэй хийх уулзалт, ярилцлага”-ыг өчигдөр /2026.10.29/ зохион байгууллаа.
Энэхүү уулзалтад Хилийн шалган нэвтрүүлэх албанд олон жил үр бүтээлтэй ажилласан ахмад үеийн төлөөлөл, бэлтгэл хурандаа Б.Батсүхийг урьж ажил, амьдралын нь арвин түүхээс хуваалцсан юм.
Тэрээр уулзалтын үеэр мэргэжлээ хэрхэн сонгосон, ажлын гараагаа хэрхэн эхлүүлж байсан, шалган нэвтрүүлэх албаны онцлог, түүхэн дурсамжуудаа Хилийн албаны сургуулийн сонсогч, суралцагч, нарт хуваалцаж, тэдэнд сургамж, урам зориг өгсөн уулзалт боллоо.
