Цагдаагийн сургуулийн Замын цагдаагийн тэнхимийн дэргэдэх “Зохицуулагч” клубээс сонсогчдын мэдлэг, ойлголтыг нэмэгдүүлэх зорилгоор "Зам тээврийн гэмт хэрэг, осол, зөрчлөөс урьдчилан сэргийлэх" сэдэвт сургалтыг өчигдөр /2026.10.27/ зохион байгууллаа.
Сургалтад Тээврийн цагдаагийн албаны Мөрдөн шалгах хэлтсийн чиглэлийн ахлах мөрдөгч, цагдаагийн дэд хурандаа О.Гарьд, Албан журмын даатгагчдын холбооны сургалт хариуцсан мэргэжилтэн М.Нямдэлгэр нар урилгаар оролцож, мэргэжлийн чиглэлээр мэдээлэл өгч, мэдлэг, туршлагаасаа хуваалцлаа.
Энэхүү сургалт нь сонсогчдод зам тээврийн гэмт хэрэг, осол, зөрчлийн шалтгаан, нөхцөлийг ойлгуулах, замын хөдөлгөөний аюулгүй байдлыг хангах, урьдчилан сэргийлэх мэдлэг, хандлагыг төлөвшүүлэхэд чиглэсэн юм.
