“Сонсогч сурвалжлагч” клуб

“Эрдэм” студийн дэргэдэх

“Сонсогч-Сурвалжлагч” клубийн танилцуулга

Зорилго: Манай клуб нь олон нийттэй харилцах ажилд сонирхолтой сонсогч, оюутнуудыг дадлагажуулан суралцуулах, тэдний сонирхлыг дэмжин хөгжүүлэх, сэтгүүл зүйн мэргэжлийн тодорхой ур чадварууд олгох, Их сургуулийн үйл ажиллагааг олон нийтэд сурталчлах ажилд нүүр царай болгох зорилготой.

Манай клубт хамрагдсанаар дараах ур чадваруудыг эзэмших боломжтой. Үүнд:

  • Цэгцтэй ярих
  • Хөтлөх
  • Найруулан бичих
  • Мэдээлэл боловсруулах
  • Гэрэл зураг дарах
  • Видео бичлэг хийх
  • Эвлүүлгийн программууд дээр ажиллах зэрэг болно.

Давуу тал:

  • Шинэ хүмүүстэй танилцаж, шинэ мэдээллийг хамгийн түрүүнд авдаг учраас олон талын мэдлэгтэй болж, хөгжинө.
  • Сэтгүүл зүйн бүтээл хийх ур чадварт суралцсанаар бие дааж шторк, телевизийн нэвтрүүлэг хийх чадвартай болно.
  • Мэдээлэл олж авах, түүнийгээ боловсруулж, олон нийтэд түгээх ур чадварт суралцана.
  • Бусдад өөрийгөө зөв илэрхийлж сурна.
  • Дотоод хэргийн их сургуулийн үйл ажиллагааг олон нийтэд сурталчлах ажлын нүүр царай болох боломжтой.
  • Өөрийн шинэ ур чадварыг нээж, илрүүлэх боломжтой.
  • Найз нөхөд, танилын хүрээллээ тэлнэ.
  • Өөрийн гэсэн бүтээлүүдтэй болно.

Клубт гишүүнээр элсэх:

Манай клубийн гишүүнчлэл нь Дотоод хэргийн их сургуулийн өөрийгөө хөгжүүлэх, шинэ ур чадварт суралцах сонирхолтой, хариуцлагатай, тууштай бүх л сонсогч, суралцагчдад нээлттэй.

Клубийн зарчим:

Аливаа үйл ажиллагааг зохион байгуулахдаа клубийн гишүүдтэй зөвхөн сайн дурын үндсэн дээр хамтран ажиллах бөгөөд хэнийг ч тулган шаардахгүй, албадахгүй байх зарчмыг мөрдлөг болгоно.

Урамшуулал: Жил бүрийн 12 дугаар сард тухайн жилийн хамгийн идэвхтэй, бүтээлч гишүүнийг шалгаруулж, нэрэмжит шагнал олгоно.

Өрөөний тоот: Төв байрны 320 тоот – “Эрдэм” студи

 

№

Нэгж, Тэнхим

Удирдагч багшийн албан тушаал, цол, нэр

Холбогдох утасны

Клуб, секц, дугуйлангийн гишүүний тоо

Үйл ажиллагаа явуулж эхэлсэн он

1.

Хамтын ажиллагаа, олон нийттэй харилцах хэлтэс

Олон нийттэй харилцах ажил хариуцсан чиглэлийн ахлах мэргэжилтэн, цагдаагийн дэд хурандаа Б.Төгсжаргал

70155026

30

2022

Instagram
Youtube
Facebook